《於社署舉辦「人本自立」照顧模式分享會》

係五月上旬，我地好榮幸得到社會福利署邀請，同業界同工做咗一個「人本自立」照顧模式分享會，目的係想推廣比更多人認識「人本自立」呢個咁正既照護理念。

今次係一次跨專業合作，我地學院邀請到經驗豐富既物理治療師、職業治療師、資深言語治療師，以及社工為我地分享「人本自立」既服務應用，期望可通過更多交流分享，將「人本自立」理念係香港更緊固地扎根。

係交流既過程中發現，其實業界有好多同工都一直實踐緊「人本自立」，我地都非常鼓勵同工係自己崗位上面可以持續發展。平時我地工作上既流程化可能會令到自己唔記得做緊關於人本既工作，而「人本自立」亦都係一個嚮導，提醒我地要懷著人本做好服務，今次既交流會真係獲益良多。