通咗關咁耐，我地學院終於有一個適合嘅機會，邀請到來自台灣自立支援照顧專業發展協會嘅秘書長 - 廖志峰先生同我地進行一連多日嘅交流啦！雖然我地行程非常緊湊，但廖主任都非常有心，將佢多年來對自立支援嘅經驗同信義會院舍及居家服務單位同事分享。
首日嘅導師培訓入面，廖主任分享咗唔同嘅教學技巧，除咗理論外，實踐都好重要， 各位準導師們都聽得好投入，係一問一答嘅過程中獲益良多。
第二日，我地安排咗廖主任去院舍交流，好多院友都好歡迎廖主任來臨參觀！除左讓新入職同事認識自立支援外，廖主任跟與主管及專業同工就流程交換意見，構思點樣更有效推行人本自立。
不知不覺黎到最後一日，就係同居家服務嘅同事交流啦！廖主任更去到老友記既屋企，做實地探訪，以及邀請到居家服務同事分享實踐個案，深深體會到係居家服務推行人本自立，最重要係需要得到家屬或者照顧者既認同！
今次交流真係眼界大開，兩地不同實例令我地知道係唔同環境之下都可以將「人本自立」發揮到極致！而家我地更加實淨，期待我地下次再同廖主任見面，擦出更多新嘅火花！
Comments